Reshjet e dendura të shiut kanë shkaktuar përmbytje në dhjetëra qytete dhe fshatra në provincën veriperëndimore të Iranit, Ardabil, duke detyruar shumë familje të largohen nga shtëpitë e tyre.
Shirat e shumtë dhe përmbytjet kanë prerë rrugët në rreth 50 fshatra pranë Meshkinshar, provinca Ardabil.
Aktualisht po merren masat e nevojshme për të rifilluar trafikun në këto zona.
Dy fshatarë u zhdukën pas përmbytjes dhe një operacion kërkimi aktualisht është duke u zhvilluar.
Të paktën 80 familje në një fshat pranë qytetit Khalkhal u zhvendosën në banesa të përkohshme pasi përmbytjet shkatërruan shtëpitë e tyre.
Ekipet e shpëtimit po përpiqen të rihapin rrugët dhe të riparojnë dëmtimet në rrjetet e energjisë elektrike dhe telekomunikacionit në rajon.
Zyrtarët e krizës u bënë thirrje fermerëve që të shmangin zonat e rrezikshme dhe të strehohen në vende të sigurta.